Amil Məmiyev
Amil Səyyaf oğlu Məmibəyli (Amil Məmiyev / Amil Amal) Laçın şəhərində anadan olub. Azərbaycan Dövlət Mədəniyyət və İncəsənət Universitetinin rejissorluq fakültəsində (2007-2012), Ümumrusiya Dövlət Kinematoqrafiya Universitetinin kinorejissorluq və kinodramaturgiya fakültəsi üzrə 2 illik ali kursda (2013, Rodimin Denis, Vladimir Fençenkonun emalatxanası) təhsil alıb. Moskva şəhərində keçirilən “Ümumrusiya Artkino qısametrajlı müəllif filmləri” kinofestivalında “Neft şəhərinin sakini” adlı filmi ilə "Münsiflərin xüsusi mükafatı" nominasiyası üzrə qalib olub (2012). “Azərbaycanfilm” kinostudiyasının keçirdiyi ssenari müsabiqəsində 1-ci və 3-cü yerlərin qalibi olub (2015) və həmin ildə “Azərbaycanfilm” kinostudiyasında Mədəniyyət və Turizm Nazirliyinin dəstəyi ilə diplom işi olaraq “Qara bağ” adlı qısametrajlı bədii filmi çəkib. “Qara bağ” filmi “Azərbaycan ailəsi” film festivalında "Ən yaxşı film" (2015 / Bakı), “Birinci Asiya Beynəlxalq Qısametrajlı Filmlər Festivalının” xüsusi mükafata (2016 / Çin), “Hak-İş Kısa Film Yarışması”nda “Ən yaxşı film” və ““Ən yaxşı aktyor” mükafatlarına (2017 / Ankara, Türkiyə) layiq görülüb. Bir çox beynəlxalq festivallarda Azərbaycanı təmsil edib. 2019-cu ildə Mədəniyyət nazirliyinin sifarişi ilə “Azərbaycanfilm” kinostudiyasında istehsal olunan “Армянские инородные сказки” sənədli filmində ssenari müəlliflərindən biridir. 2019-cu il Mədəniyyət nazirliyinin keçirdiyi bədii, sənədli və animasiya film ssenari müsabiqəsində film layihəsi qalib ssenarilərin siyahısına seçilib. 2019-cu ildə Bakıda keçirilən “Bakı qısa film festivalında” beynəlxalq proqramda “Münsiflərin diplomu”nu qazanıb. Hazırda Mədəniyyət nazirliyinin sifarişi ilə “Azərbaycanfilm” kinostudiyasında istehsal olunan “Titrəmə” adlı filmin ssenari müəllifi və rejissorudur. “Evə gələndə sevgi al” adlı kitabı nəşr olunub (2019).
- Başlıq: Amil Məmiyev
- Populyarlıq: 0.002
- Tanınan: Directing
- Ad günü: 1989-01-25
- Doğum yeri: Lachin, Azerbaijan SSR, USSR [now Azerbaijan]
- Ana səhifə:
- Başqa adla: Amil Səyyaf oğlu Məmibəyli, Amil Amal, Amil Mamiyev, Amil Mamibeyli
