Valeh Əhmədov
Valeh Razi oğlu Əhmədov Bakıda anadan olub. Əslən İsmayıllı rayonunun Tircan kəndindəndir. Azərbaycan Texniki Universitetində təhsil alıb (2000-2004, 2004-2006). Universitet illərindən KVN yarışmalarında iştirak edib, sonra zarafatlardan ibarət qısa ssenarilər yazmağa başlayıb. Həm aktyor, həm də ssenarist və quruluşçu kimi Azərbaycan çempionu olub. Azırbaycan Milli KVN Superliqasının qurucusu və baş təşkilatçısı olub. Bir çox televiziya layihələrində redaktor kimi fəaliyyət göstərib (Lider TV, ATV, Xəzər TV). Sosial çarxlara ssenarilər yazıb. Dünya filmlərini izləyir, onları təhlil edir, haqlarında məqalələr yazır. 10 ildən çoxdur Xəzər TV-nin layihələrində çalışır. Bəzi layihələrdə aparıcılıq da edib (Komediya janrında “Miks Şou”, Mədəniyyət xəbərlərindən bəhs edən “Art Star”). 10-a yaxın sosial çarxın ssenari müəllifidir. Türkiyədə serial və film setlərində 3 il universal praktika keçib. Fransız prodüserdən “marka, loqo və PR” mövzusunda master-klass alıb. 2010-cu ildə “Qələm” ssenarist komandasını qurub. Bu komandada indiyə qədər 30-a yaxın ssenarist fəaliyyət göstərib. Hazırda “Qələm” ssenarist qrupuna rəhbərlik edir. Ssenarist Valeh Əhmədov ssenarist Failə Nəbiyevanın həyat yoldaşıdır.
- Başlıq: Valeh Əhmədov
- Populyarlıq: 0.001
- Tanınan: Directing
- Ad günü: 1984-01-14
- Doğum yeri: Baku, Azerbaijan SSR, USSR [now Azerbaijan]
- Ana səhifə:
- Başqa adla: Valeh Akhmedov, Valeh Ahmedov, Valeh Razi oğlu Əhmədov
