Namis Şirməmmədov
Namis Xanmirzə oğlu Şirməmmədov Ağsuda anadan olub. M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsində təhsil alıb (1979-1983). 1983-cü ildə təyinatla H.Ərəblinski adına Sumqayıt Dövlət Musiqili Dram Teatrında əmək fəaliyyətinə başlayıb. Həsənağa Turabovun dəvəti ilə bir müddət Akademik Milli Dram Teatırında fəaliyyət göstərib (1989-1997). 1997-ci ildə yenidən Sumqayıt Dövlət Dram Teatrına qayıdıb. 2008-ci ildən teatrın rejissorudur. İki kitabın (“Yuxumla üz-üzə” və “Üz-üzə, göz-gözə, söz-sözə”) müəllifidir. Respublikada ilk dəfə olaraq Naxçıvan Muxtar Respublikasında oynanılan A.Babayevin "Xilaskar” əsərində Ulu öndər Heydər Əliyev obrazını canlandırıb. Xarici kinematoqrafçılarının istehsalı olan “Son monoloq” (Rusiya) filmində müstəntiq, “Sui-qəsd” (2004 / Rusiya) serialında Həsən, “SSRİ-də doğulmuş” (2007 / Rusiya) serialında Heydər Əliyev rollarını ifa edib. Əməkdar artist (2008), “Tərəqqi” medalı laureatıdır (2013).
- Başlıq: Namis Şirməmmədov
- Populyarlıq: 0.001
- Tanınan: Acting
- Ad günü: 1962-04-03
- Doğum yeri: Agsu District, Azerbaijan SSR, USSR [now Azerbaijan]
- Ana səhifə:
- Başqa adla: Namis Xanmirzə oğlu Şirməmmədov, Namis Shirmemmedov, Namis Shirmamedov
